Nor gara
Lantaldea funtsezkoa da antolakunde batek arrakasta izateko eta iraupena izateko.
Errenteriakoa naiz eta herriaz harro nago, oso harro. Hasiera batean, ez nuen arrandegian karrera egitea pentsatu, nire asmoa industria-diseinua ikastea baitzen. Gero, etxe ondoan eta amarekin lan egiteak, arratsaldeak libre izateak eta abar indarra hartu, eta arrain-saltzailearen bidea hartu nuen. Hori 1993. urtean izan zen, eta, ero-eroan, hemen jarraitzen dut.
2005. urtetik dago nirekin. Aurrez ezagutzen nuenez gero, bere izaera eta lanerako gaitasuna aintzat hartu nituen. Ez zuen arrain-salmentan esperientziarik, baina ez zitzaidan axola; nik irakatsiko nion. Baita berak ederki ikasi ere! Bikain egiten du lan, ez du ezta hezurtxo bat ere uzten. Ni ez nagoenean, bera geratzen da buru.
Nirekin 2012. urtetik. Artista hutsa da arrainak erakustokian antolatzen, bikain lan egiteaz gain. Beti irribarretsu.
Betidanik egon da nirekin, nire neba baita. Zama-lanez arduratzen da, jartzeaz eta kentzeaz, produktu batetik edo bestetik pieza gehiago ateratzeaz, eskari bat eramateaz, enkarguak egiteaz… Egun osoa gora eta behera.