Olagarro egosia

Nola egiten da? Oso ohiko galdera da arrandegian. Zaila eman dezakeen arren, oso erraza da. Ondo geratzeko ezinbestekoa da kalitateko olagarroa edukitzea. Egin beharreko urratsak:

1. Garbitu eta izoztu olagarroa, gutxienez egun batez.
2. Atera izozkailutik, eta guztiz desizoztu arte utzi.
3. Jarri hura irakiten, GATZIK GABE, eta sartu tipula osoa, zuritu gabe.
4. Ura irakiten dagoenean, heldu olagarroa sardexka handi batekin eta sartu uretan segundo batzuk; atera eta itxoin ura berriro irakiten jarri arte. Errepikatu hiru aldiz.
5. Gero, 2,5 kiloko olagarro batentzat, utzi 40 minutu inguru egosten, betiere eltzea estali gabe. Olagarroaren tamainaren arabera, denbora gehiago edo gutxiago utzi beharko duzu egosten.
6. Itzali sua, eta utzi 5 minutu pausatzen.
7. Atera olagarroa eta prestatu gehien gustatzen zaizun moduan. Zatitu ondoren botatzen zaio gatza.